Daraar

Phir daraar padi.

Desh ke hariyali kheton me.
Jahan sunehare sapon ki fasalein lehlehati thi
Khoon pasine se jo seenchi jaati thi
Un umeedon par ab do paani pher
Na ho aas ki chingari ,rahe bas raakh ki dher.

Phir daraar padi

Ekta ke adbhut aaine me

Har tukda hai Punjab Sindh Gujarat Maratha
Bharat jo kehta , bas woh hota jhootha

Kaise jodenge yeh tukade , yeh kaanch
Pighal gaye hain lagte hi jaati bhed ki aanch.

Phir daraar padi

Na thi iss baar matrubhasha, karan .

Bhasha ab ek hi aati hai samajh me
Jab woh ho tu-tu mai-mai .

Phir chahe ho woh log sirf chand
Kar dete hain woh har ek ki bolti band.

Phir daraar padi

Desh ke ujjwal vartamaan me .
Jo dekhe ithihaas ko palatke panne

Woh kya denge naya itihaas banne ?

Woh bhavishya hi kahan , sirf andheraa hai

Jin lapton ne Bharat ko gheraa hai .